Senin, 31 Oktober 2011

Jadwal dan Lokasi SIM Keliling serta SIM Corner duta Mall Banjarmasin

Diposting oleh Muhammad Fakhrial Zld
Kasan Bubuhan Blogger Banua nang handak mamparpanjang SIM, ini nah jadwal wan Lokasi SIM Kaliling wan SIM Corner Duta Mall Banjarmasin.


Nang Partama 

SIM Kaliling ada 2 (dua) Unit
  • Unit nang partama palayanan mulai jam 09.00 baisukan sampai jam 03.00 siang.                           Lokasinya atawa wadahnya ada di halaman Gadung Wanita Kayu Tangi Banjarmasin.
  • Unit nang kadua palayanan sama jua mulai jam 09.00 baisukan samapi jam 03.00 siang. Wadahnya nang balain, amun Unit nang kadua ini ada di muka ambin kantor Gubarnur Kalsel, dihiga siring (pantai juduh)

Nang Kadua
SIM Corner Duta Mall Banjarmasin
  • SIM Corner Banjarmasin mulai buka palayanan jam 10.00 baisukan sampai jam 08.00 malam
  • Lokasinya atawa wadahnya ada di dibalakang tuku Duta Suara, amun kada tahu jua batakun ha wan Pulisi Atawa Satpam nang ada di sana. Insya Allah tahu haja bubuhannya





Syarat Mamparpanjang SIM di SIM Kaliling atawa SIM Corner Duta Mall

SIM Kaliling
  • Nang paling utama bubuhan pian harus mambawa Duit (amun kada kayapa bayar) 
  • Nang kadua Membawa SIM nang handak di parpanjang wan KTP nang masih barlaku
  • Nang katiga SIM wan KTP harus dari Banjarmasin (dumisili SIM wan KTP sama-sama dari Banjarmasin) mun diluar banjarmasin kada kawa
  • Nang tiga ini haja dulu syaratnya, mun langkap Insya Allah kawa

SIM Corner Duta Mall
  • Nang Partama sama wan nang diatas
  • Nang kadua sama jua wan nang diatas
  • Nang katiga ini nang istimiwa, amun SIM pian dari Amuntai wan KTP dari Amuntai jua, kawa mamparpanjang di SIM Corner Duta Mall, bisa mamperpanjang SIM dari luar dairah Banjarmasin, asal (dumisili SIM wan KTP sama)

SAKIAN DULU PANJALASANNYA, TARIMA KASIH

1 komentar :

  1. Anonim mengatakan... :

    Amun Alamat KTP beda wan Alamat SIM nya, kayak apa lah? kawa aja kah diperpanjang?

Posting Komentar